Jæja ….

Þetta ætlar ekki að fara að taka neinn endi hérna, þessi helvítis veira. Noregur er búinn að vera með aukin smit bara nánast frá áramótum, dettur niður í nokkra daga og svo strax aftur upp eftir næstu helgi. Og svo er sveitarfélagið okkar komið með stórt útbrudd í þessari viku þar sem einn eigandi veitingarstaðar fékk staðfest smit og út frá honum eru nú komin 19 staðfest smit og sem betur fer fundu þeir út hvar hann hafði smitast (hérna í næsta bæ Kristiansand) en út frá þessum 19 smitum eru um 600 aðilar sem tengjast og þurfa að láta testa sig. Það er náttúrulega ótrúlegur fjöldi eða 32 hjá hverjum einstaklingi.


Á tímum sem einugis 5 gestir mega koma í heimsókn og við eigum að halda okkur sem mest heima. Það er nokkuð ljóst að það eru ekki allir nógu duglegir að halda 2 metra regluna og að einangra sig og ég og mitt fólk er. Við förum bara í vinnu og búðina hérna í nágrenninu en kannski tvisvar í mánuði inn í Mandal að versla.
Þetta sama á við um krakkana okkar Ástrós Mirru og Helge, þau eru bara heima, hún fær varla að fara í skólann nema einu sinni í viku annars bara fjarkennsla og svo fara þau í búðina en eru annars bara heima. Auðvitað förum við öll í göngutúra til að halda geðheilsu og svo þakka ég endalaust fyrir hvað við gamla settið erum sjálfum okkur næg. Og að okkur finnist hvort annað ennþá skemmtileg, það er nefnilega ekki sjálfgefið.

Það hefur sko sýnt sig hérna að Norðmenn hefðu átt að loka landamærunum miklu fyrr.

Þangað til næst, ykkar Stína á Nesan.

*****

Ps. á mánudagsmorgni hafa tölurnar hækkað enn meira og svona lítur þetta út í mínu sveitarfélagi Lindesnes og fylkinu okkar Agder.

Lindesnes  23.000  íbúar, 162 total, 91,1 pr. 100k siste 14d

Agder fylki 310.000 íbúar, 1902 total, 88,9 pr. 100k siste 14d

Og þetta er einhvert norskt stökkbreytt afbrigði sem virðist smitast auðveldara og hraðar en venjulegt covid 19.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.